好難頂

由昨日開始為左減肥已經轉左個細飯盒, 同埋朝早只係飲超難飲嘅0脂肪古朱力奶粉, 佢味道好好, 難飲在d粉點溝都唔溶, 成日都凝固埋一舊, 不過難飲都要頂啦, 鬼叫自己賴左咩, 為有減少食量啫。

朝早返到公司飲一杯, 真係好Q飽, 仲覺得有少少頂住頂住咁, 但到12點就開始肚餓只好咬下香口膠, 要忍到1點先食lunch, 之後都好犀利直到放工都唔肚餓, 但放工就買左串燒賣食。因為星期日Pong做gym做到周身痛所以今日休息, 放工就搭車返屋企, 7點半食飯, 個份量已經減少左好多食少左好多餸, 食完飯睇漫畫”四葉妹妹”, 睇埋歲月風雲就沖涼, 12點就瞓覺啦。