20070826

Pong要幫佢爸爸出街, 所以9點就出左門口, 我就9點15分起身換衫出旺角, 佢係旺角街市得我之後去左大快活食早餐, 食完就去做gym, 我地去到10點50分, 我就用極快速咁換衫, 因為11點要玩body pump, 我落到去剛剛, 我仲幫Pong霸定位, 之後12點10分玩body combat, 1點幾玩完啦, 諗住做一陣機, 點知Pong話佢件衫好臭, 所以要沖涼走啦, 之後就去左朗豪坊嘅i.t, 雖然佢減價, 但我只係買左個Nike嘅護腕咋$20, 之後咩都買唔到, 因為實在太亂太多人啦, 3點行左去先達附近嘅越興苑食野, 食完就搭車返屋企啦

返到屋企坐左一陣就搭地鐵去北角, 因為Pong上次係Mike度見到個袋幾靚所以去睇下, 見到個袋啦, 搞到我心思思想買$17xx呀, 之後我都係走左, 係銅鑼灣周圍行, 行到6點幾就搭車返屋企, 返到觀塘又去左apm, 我係fingercoxx度買左條裙, 因為我調左職之後唔可以著短褲返工啦, 但以家咁鬼熱點著長褲呀, 所以我要買多條裙囉, 之後行多一陣就返屋企食飯啦