20070524

今日係假期所以我同Pong都唔洗返工，11點幾比佢噪醒左，之後12點去amp食肯德基，我同Pong一齊排隊買野食，前面有五個應該未到F.1嘅男生，我見佢地又唔行前咁梗係開聲問你地係咪排隊啦，佢地竟然用串嘅態度答我唔係排唔通做緊咩呀？？心諗生舊叉燒好過生你啦。食完野行左一陣我係D-Mop度買左衫Tee…haha

2點幾換衫去左中環行街，外面超熱，Pong係中環嘅馬會度買左張六合彩之後就搭地鐵去尖沙咀再行街，我又係Fingercroxx度買左條短褲，我仲比Pong話我大洗，因為我今個月鬆動D我就瘋狂咁又買野又行街。

  

街完尖沙咀就搭巴士去深水步，要買個三腳插比爸爸用黎叉MP3因為o個個係USB插。買完野就去左食車仔麵之後就搭小巴返屋企，睇埋”溏心”就睇冧歌有情人，都幾好睇呀。