20070528

今日搭遲左一班車，好彩返到公司都係遲左幾分鐘啫。1點鐘同同事出去食飯，行出大廈時都仲好好天，之後行多幾步D雨勁大呀，好彩有同事帶左傘啫，不過我地下半身都濕晒，因為好鬼大風。

下晝三點Pong打比我佢返左大圍開會，但我四點打一次五點打一次電話比佢都仲未開會，五點五十分再打比佢問佢可唔可以準時走，結果佢話剛剛開會起碼要到六點半先走得，我就自己坐火車去旺角先，去到九龍塘佢就打比我話走得，行左一陣旺角去左delifrance度食晚餐，食到8點幾就趕去中心換衫，因為9點有Body combat呀，今日尼個阿Sir都教得幾好，仲玩到成身濕晒添。

返到屋企原來佢媽媽煮左銀針粉呀，我竟是食左三大碗，真係好味到停唔到口呀。