20070512

今日下晝放工，所以無咩心機做野，直到12點幾成班大佬走左入會議室度睇賽馬，因為剛剛買左部LCD電視，而Pong就係屋企出門口啦，佢仲買左張電話咭用話我可以打到比佢喎。到1點我就即閃，打比Pong話佢知我放工，之後佢咁岩係沙田，所以食埋野先走，我見到佢大熱天時著住老西我就忍唔住笑佢，可能我亦都睇唔慣啦。我地去左食spaghetti house，兩點半食完走人，我就仲諗緊去唔去做Gym同行街，之後行左去卓越睇下，諗諗下都係返屋企瞓覺，瞓瞓下Pong係大陸打左兩個電話比我，話我知佢好悶，擺酒個度好簡單，新娘嘅婚紗唔靚，講左幾句就收線，我就繼續瞓。瞓到7點幾起身換衫，因為約左Carol姐姐食晚飯，佢收9點我就係舖頭度等佢同Kelly玩〈我契女〉。

本來我地諗住去狗cafe度食飯嘅，點知佢突然話去食巴西燒烤喎因為佢老闆又同佢提起想23號去食所以佢突然諗起囉，而且78蚊位加1平狗cafe好多喎又多好多野食喎，而個度又可以帶狗不過要坐出面，所以就打去訂位啦，本來應該係68蚊再加1嘅，因為母親節嘅關係所以貴左少少囉。9點鐘就行去等位，好鬼多一家人，由9點半開始叫票等到10點先到我地，上到樓上都有好幾個人帶狗喎，我同佢都食到好飽埋單都係$216咋，而kelly就食青瓜同兩舊面包，11點幾佢地就陪我行去搭車返到屋企，沖完涼12點幾我打第一個電話比Pong結果無人聽，斷斷續續我打左五個電話Send左四個信息比佢結果都係一樣，既然都唔聽電話下晝時又扮咩好人話買張大陸咭等我可以打比你呀？？