鬱金香

今日１１點幾Ｐｏｎｇ突然打比我，問我ｍａｎａｇｅｒ係唔係度，我話佢梗係係度啦，之後佢就叫我出去一陣話有野比我，因為佢地盤係大圍，而我公司係沙田，好近所以周不時都會一齊食飯

當我見到佢嘅時候佢手攞住盤鬱金香話比我架，我梗係開心啦，但我都要忍住笑，因為我仲嬲緊架。

因為我前幾日同佢講過話想種盤仙人掌係公司，但係唔知點解會變左鬱金香嘅？？

我真係好開心。ｈａｈａ...原來盤花係佢叫人係維園用＄１００攞返黎架。

佢今次係第二次咁樣送野比我啦，我記得第一次係我剛剛同佢一齊，佢前前女朋友同男朋友鬧分手就成日打比Ｐｏｎｇ，跟住有一日佢喊住打比Ｐｏｎｇ，結果佢出左去搵佢，佢那晚２點幾先返黎，之後我嬲左佢兩日，佢黎等我放學，送左條係住好ｄ買嘅心心型匙羹比我，因為我同佢行街時我見到叫佢買佢死都唔買，結果就係果時送左比我啦。

係咪每個男人覺得自己做左錯之後先會落足本去氹返個女朋友呢？？

Ｐ．Ｓ．我係佢第一個送花嘅女仔ａｒ