20070325

Yeah！！今日係星期日又放假啦，不過今日我１２點幾就起左身啦，我發覺每個星期日晚我都瞓唔著，所以今次要早d起身免得今晚又瞓唔著明天又遲到呀

我梳洗好之後就坐車去大圍搵Pong食午餐加下午茶啦，佢去左剪頭髮，剪到都幾短下咁，不過都ok好睇啦

之後行左去麥記，嘩！！咁鬼多人又無位跟住又走左第二間都係要等位，所以都係行返去佢地盤附近食lu，食完我就係佢個地盤office度等佢，我望出窗外，好曬呀，真係想熱死人咩？？

大約5點鐘就走啦，行去大圍搭火車本來諗住去尖沙咀行街街，諗諗下.........都係返屋企啦，經過麥記Pong又話要買野食

兩點幾三點先食飯咋喎，以家６點咋咁快又食，真係頂佢唔順呀

 不過佢都買左我就食薯條啦...好味！！返到屋企就睇埋昨晚未睇完嘅"緣份精華遊"啦，一陣佢媽媽話落街食飯喎，唔知點解尼？？唔知食咩呢？？