晚上上最後一課的蛋糕課啦，不過今日唔係做蛋糕，以係考筆試，得５條題目，所以好快就做完放學啦，今日唔止讀完個蛋糕課，而且仲係整個Course都讀完啦，我足足讀左１年零３個月啦，我好開心。
放學之後我就係旺角火車站等佢，去左新之城度買１０蚊４包撈撈...好好味，每次去到旺角我都一定要食，一路行去搭車Pong同我講叫我今晚去跑步，唔好啦，都就快要健身啦比我懶埋尼幾日啦，結果８點幾返到屋企佢連飯都未食就瞓左係地下啦，又話去跑步...............到左１１點幾我叫佢起身食飯沖涼。
我問佢：「你又話去跑步嘅？？」.....佢弟弟答我：「你唔知咩佢跑完啦，仲係個足球場跑左幾個圈啦。」
最緊要最緊要俾o左 $ o個度唔好懶唔去做就ok啦^^hahaaa~
回覆刪除點解佢跑咗你都唔知嘅, 你都 瞓 咗?
回覆刪除發夢跑左呀 ??
回覆刪除我都鍾意食撈撈架~~~ 尤其是係旺角潮特隔離果間場特別正架~~~ 比我都唔會同佢去跑啦~~~哈哈~~~~因為我怕跑步依d咁辛苦既運動~~ 幾時可以試下火火妹既蛋糕呢??
回覆刪除VickiE 我諗我會成日去添呀 淡普洱&樂樂 係發夢時跑左呀 小紅帽 我都覺得你講那間好食D，不過有時唔想行咁遠，唔係嘅...我以前都有同佢去跑架，HaHa...我諗上完晒課之後我都唔會自己係屋企做囉
回覆刪除