20070327

起身睇天氣報告嘩！２１-２６度洗唔洗咁熱呀？？Lunch一路食一路睇１４歲結婚的女孩〈唔知個名有無講錯〉原來那個女孩係女王教室那個女孩，嘩！大左咁多啦，又幾靚女喎。３點幾會計姐姐請我食賓紛樂，唔洗一陣我就食晒啦...超飽...好快咁又６點啦，我要搭火車返學，放工時間火車一定好鬼多人，同我同一車卡有一對小情侶，兩個都打緊NDS嘅，打NDS唔緊要，最緊要係唔好做柱男同柱女呀。

其實一直以來我都以為係內地人先會咁做，唔係我岐視內地人，而係每次放工坐火車仲有一、兩個講鄉下音，拿住一袋二袋嘅女人做柱女。

唉！原來家下嘅青年人都咁無公德心〈係咪越讀得書多嘅人就越唔識禮貌呢？？〉，我真係想扮唔小心撞到佢地，真係好過份架。

今日蛋糕考試，做返之前那個朱古力海綿蛋糕，簡直就係無難度，不過仲有兩堂就返完啦，其實都有少少唔捨得，因為實在好好玩啦，阿Sir話一到９點半就要交貨，切１／４比校務處試食，１／４阿Sir試食，淨返嘅係我地自己食，唔錯...唔錯，真係有d滿足感呀。

Pong打比我，原來佢都係剛剛放工，所以就係旺角等，我係火車站等佢，我見到一對情侶，初初女的愁眉苦臉，咁男的就摸摸女的頭，又錫錫女的咀，跟住女的就激到打車輪，大約維持左１分鐘佢地就入左閘走左啦，唉！Pong竟然趕不上看好戲 。

返到屋企食飯啦，又有咖哩雞，不過多左薯仔好味。太飽嘅關係搞到我１２點幾先去洗白白 。