爆鎖

昨晚依舊6點鐘放工，7點50分玩body pump，玩完再玩body combat，Pong要做下機先走，所以我去行下路，行行下有位職員小姐行去d會員身邊講野，唔知講咩，之後行左我隔離同我講，問我check左自己嘅私人物品未，因為男更衣室有人報失，我梗係第一時間上去睇下啦，好彩無事。

其實上個禮拜男更衣室已經試過比人爆過鎖，locker裡全部嘅野都無晒，好慘呀。不過佢地都係用密碼鎖嘅，我記得初初入會時d小姐都同我地講過千其唔好用密碼鎖同埋細鎖，更衣室又好多通告叫d人唔好用咩鎖，但d人永遠都唔會聽，真係想講一句抵死。
不過我都係要小心d。