20070725

尼幾日真係好多野做，話咁快又6點啦，準時走人。去到旺角火車Pong已經等緊我，之後去左新世紀度買撈撈撈食，好味。一路食一路行去”C”度換衫，我地玩7點50分嘅極速單車班，雖然玩過一次，但都好緊張呀。8點開始啦，踏到中段，我真係想死，一路踏心諗下次比錢我都唔會黎踏，真係攞我命。不過佢出嘅汗真係超多，我嘅汗簡直就係滴出黎。

Pong玩完話要做一陣機，而我見跳舞室又有人等唔知玩咩，所以我都走去玩，9點開始啦，點知主要係玩平衡同腳，慘啦！剛剛踏完單車，腳仔都軟晒，不過我都捱到10點。玩完就去沖涼啦，一身臭汗味，聞到都想。

11點幾返到屋企食完飯就執野啦，唉！日日都咁夜返到屋企，真係好攰呀。