健身 19

教練下晝4點幾打比我話cancel我問佢點解同埋約返幾時，佢話全部都cancel，吓！即係咩呀？？之後我追問佢都唔答我，所以最後都收左線。

6點鐘準時放工，去到Pong做野嘅地方等佢放工，之後食左章魚小丸子，因為我諗住玩7點50分嘅Body Pump，7點10分就去換衫啦，換換下衫教練又打黎，話以家上堂〈你想點呀〉，換完衫我去搵佢，原來佢介紹第二個教練比我，新教練叫我做又幾部機睇下我嘅程度去到邊，之後又坐底Sell多我8堂，唉！！咁我梗係話無錢唔再加堂啦，就係咁浪費左一堂啦。

本身教我個教練同Pong講話15號就會辭職唔做，因為佢交唔夠數所以佢公司就唔比佢教學生喎，唔比佢教學生都無晒"隱"，而且教練每上一堂就會有錢收，就算唔教學生都應該有底薪架？？唉！總之搞到我都覺得好鬼煩啦，最煩嘅係又比人Sell啦，搞到我無得玩body pump啦，要等到9點鐘玩body combat，我喜歡嘅教練放完假返黎啦，佢教我就玩得特別出力。

Body Pump其實即係舉重囉，不過又係跟住音樂嘅節奏去做囉，其實都幾辛苦...