熱到爆

阿叔一早出左街，10點幾又有份急件，所以就要我去，行去搭車時去左健康工房度買左枝涼茶飯，之後就去搭巴士，好彩都唔係等左好耐啫。到站啦，一路行個身就一路流汗，去到人地公司交低份野就走人，搭巴士返到大圍竟然落雨呀，有帶傘時又唔落，無帶先黎落，雖然落雨，但途經馬會梗係要入去買返張$20嘅六合彩啦。

1點就叮返我嘅豐富午餐食，食完就上網直至2點鐘。

3點半會計姐姐又叫我幫佢出街收票，收完又要趕去入票，返到公司我就好似剛剛沖完涼咁，不過返到黎有砵仔糕食，因為有同事朝早返左返黎，我真係好耐無食過啦，以家仲有新款綠&芝麻添呀。