話說我有兩個朋友分別係5月同6月結婚，今年收炸彈真係收到暈。昨日下午同Pong玩完Body Combat之後去左銅鑼灣行街街，跟住就接到家姐電話。
家姐：阿媽有無同你講？？
我：講咩？？
家姐：你做過幾多次伴娘？？
我：無呀，淨係做過姊妹咋。
家姐：咁如果我搵係做伴娘你識唔識做呢？？
我：好，是但囉，咁幾時？？
家姐：9月13號囉
我：咁快，你以家先話我知
家姐：Book到酒樓先講嘛，咁你要開始收身啦喎，仲要請假啦。
我：收緊啦，係咪做伴娘我都要請架啦，好啦Byebye 家姐：係咁啦
收左線之後我同Pong講佢竟然話，吓！真係想炸死人咩
雖然係家姐........但係你原諒佢坦白啦...........
回覆刪除我都未試過正式做姊妹呀.....聽人講話做伴娘好忙咖....但一世人一個家姐...都值得....我都想做呀....
回覆刪除我都未試過做伴娘 ( 不過如果有人叫我做我都會 say ) 做過 1 次姊妹打死以後唔再做 , 伴娘工作多於姊妹好多 , 不過都恭喜晒你家姐 , 希望你既努力成果當晚會完美咁展現所有人眼前啦
回覆刪除包, 傻啦，我邊會嬲佢，開心都黎唔切啦。 柯比布, 我兩次做姊妹都唔算忙，仲幾好玩添 淡普洱, 我真係怕唔識做呀
回覆刪除哈~又係bor! 係咪都要請假o架啦! 哈... 我都做過伴娘...好忙呢!!! 咩都要顧住新娘...但姊妹唔駛顧咁多o野根嘛! 火火妹家姐~恭喜晒呀!!!!!!!!!!!!!!
回覆刪除玩什麼呀?睇唔到呀? 恭喜晒呀家有喜事辦, 好高興呀
回覆刪除做伴娘我只知好忙 , 新娘去邊伴娘都要跟住
回覆刪除我都想試下做伴娘, 不過應該都幾微, 除非我兩個老死突然來個閃電結婚啦~~~可以扮靚, 好開心啦
回覆刪除你家姐都好坦白喎，叫你開始‥‥‥修身
回覆刪除haha 又會咁岩ge，我阿哥今年十月擺酒結婚呀，我都要做伴郎
回覆刪除恭喜你家姐喎!! 有得做伴娘咁好牙!!我有個friend都想搵我,不過我太肥啦!! 你唔洗減太多啦!!你咁fit!
回覆刪除