健身 15

6點幾去到旺角，見有d時間就同Pong去買撈撈撈食，係附近見到有人好似派緊red bull喎，問Pong去唔去攞，佢竟然話我係貪小便宜怪，香港地有邊個唔貪架？？

去到換完衫都係6點半所以就去跑步機度行下，梗係攪到最慢啦。7點啦佢今日遲左五分鐘，玩左半個鐘到佢教我玩樣新野，佢做示範佢竟然玩左兩下就唔得，之後我隔離有另一個教練就話，做返10下示範黎睇下先啦，結果做多左一下。佢話佢都成個月無做過健身，而且仲肥左。

尼排教練Sell我地買零脂肪嘅奶粉，佢話飲左之後多做器械會更加結實喎。

上完堂例牌一定去跑下步燒下卡路里啦，不過今日行左15分鐘，因為9點鐘要玩body combat，所以要準備下。

今日好搞笑起飛腳又腳軟，出拳隻手又攰，不過我都捱到。

玩左健身兩個多月，每個禮拜玩足四、五日，唔知玩耐左會唔會仲有咁嘅恆心呢？？