死白痴婆

我同Pong玩Body combat多數都係企係前第二排，但會隔開少少位，因為有時會起飛腳同出拳。昨日同今日放工都有去玩，一樣都係企係差不多位置，但我企那個位後面有條鏡柱，通常都唔會有人企，因為太迫。

昨日竟然有兩個女仔企係度，我心諗你貼住條鏡柱你自己玩唔到，不過最大嘅問題係阻住我呀，算啦，可能一陣郁下郁下就會走位。未開始時佢兩個已經不停咁講野同笑，阿Sir到左第一句會問有無人第一次玩嘅，咁之後就會教點企啦，手點放，原來佢兩個人第一次玩嘅，但阿Sir有阿Sir講，佢有佢兩個講野，到開始時佢兩個企係度傻笑，又跟唔上〈我第一次玩都無咁差〉，之後Pong都頂唔順，因為果兩個白痴剛好阻住Pong起飛腳，所以佢嬲得滯走左去後面，之後成堂兩個白痴都無咩郁過。

今日又見到兩個白痴但多左一個，入到去佢又係企係昨日個位，我同Pong就企左第二度，開始時佢地一係傻笑，一係左右調轉，唉！我心諗，佢地係咪有學習障礙呢？？望佢教練好似似鏡咁，而且每個動作會重複好幾次，第一、二次做唔到咁第三、四次都得掛？？但佢地都係傻笑多過郁。

Pong話見到佢地就嬲啦，但我又一d都唔覺嬲喎，我真係睇馬騮戲個笑，我諗每個人第一次玩都無佢地玩得咁差，佢地無心玩，就唔好阻住人啦..........