終於病左

由昨日開始我同Pong就開始咳啦，今朝9點幾就起身，Pong好似比昨日咳得嚴重喎，梳洗好就執野去"海x粥店"度食野之後就坐小巴去旺角，11點半換完衫就去做下器械之後11點45分排隊等玩Body combat，教練要放3個星期假去旅行呀，起碼要七月十幾號先返黎，真係有d唔開心添。

玩完沖完涼都2點幾Pong求其搵左間salon剪頭髮，都剪得ok喎，之後去左食野，食完野去左實惠買飯盒，因為我要帶飯返工，我要慳買完就返觀塘陪佢睇埋醫生就返屋企啦，執好d臭衫就爬上床瞓一陣，到7點幾佢媽媽就叫我地起身食飯，有我愛嘅蛋角呀，係佢爸爸整架，我睇過佢整一次好鬼麻煩架。食完飯Pong食埋藥就啦，我就開電腦睇"交響情人夢"，真係好鬼好，不過唔知係咪瞓左晏覺尼，到以家一d都唔眼瞓，所以我決定睇多一套。