20070608

今早出門口坐Lift落到樓下先落雨，搞到我要返上樓攞傘，結果坐遲左一班車，去到大圍又勁大雨。12點幾郵差叔叔派完信之後我就去攞信啦，事關下晝請假要去睇醫生，所以想做晒每日要做嘅野先走。唉！自從天氣勁熱之後額頭出左好多瘡同油滋粒，情況非常嚴重，我已經嘗試張額頭嘅頭髮夾起但都無改善過，所以想去醫生度攞d藥膏塗下囉。

睇完醫生成3點我就去搵Pong食野，因為佢調左係旺角做野，食完佢就送我去搭小巴，佢本來唔想送，因為食完野行幾步佢就到，去小巴站比較遠，但我都拉佢陪我。返到觀塘臨落車一刻........突然落狗屎咁，剛剛又放學，d學生係度跑，有d把傘又篤黎篤去咁，真係要小心d。

一路行又唔想返屋企住，所以去左amp，行左去amp又唔知自己想點之後都係行返屋企，係百佳附近諗起熱浪，所以上左去，望住包熱浪又想買之後都係無買走人。返到屋企4點幾好眼瞓但又唔瞓得，因為約左教練7點一陣5點半又要坐返車去旺角，我發覺我真係好無聊。

7點約左教練，9點有Body combat玩係我最喜歡那個教練，所以我一定要玩，不過8點至9點尼段時間唔知做咩好。