試伴娘衫

昨晚約左家姐7點係婚紗店等，店裡面有個3歲嘅小女孩好搞笑，初初我仲以為係家姐個fd個女，因為佢成日同我地講野，最好笑係我家姐每換一套衫出黎佢都話好靚呀好靚呀，姐夫就話得啦你唔洗再Sell啦。

  試衫試到差不多8點半先到我，我第一條揀左短裙後面拖尾，不過拖尾太長啦，所以家姐唔想我揀，之後試左一條長裙，佢地覺得我著短會比人感覺得年青d同埋方便d，而且朝早都可以著，所以之後都試左兩條短，一條金色有個大蝴蝶係側面，另一條白色有個細蝴蝶係中間，我揀左白色，佢地話著上去好細個喎，而Pong就話太簡單啦，佢覺得個伴娘應該誇張d喎，唉！算啦，都揀左啦。

  

試衫時家姐借左個唔知咩內衣，穿上去係超超超超超超緊，簡直抖唔到氣咁，超超超超超超辛苦，Pong話我瘦左，但我試衫時都見好多鬼鼠肉，所以我要繼續減。