早10點起身擦牙洗面換衫,之後叫Pong起身,未夠11點就出到旺角,Pong帶我去食餈飯,我覺得佢屋企留下嘅好食d。之後就慢慢行去中心換衫,今日可能係星期日所以無咁多人,等緊玩Body combat時我都做做器械,12點開始排隊等,教開那個教練放緊假要3個星期先返,尼個係代教,所以氣氛都唔係咁好,玩完1點幾就去沖涼。
之後去左周大福&周生生睇下金飾〈好貴呀〉,因為我想送比姐姐結婚。望左幾眼就行去搭車返屋企啦,返到屋企成個火爐咁,可能住係最頂那層嘅關係,所以都開左冷氣。
係屋企hea到6點半就搭車返青衣同屋企人食飯,大家都有傾有講幾開心,我問家姐會有幾多個姊妹,佢話加埋我有8個,嘩!洗唔洗咁多呀。
今個星期五家姐就去台灣影婚紗相啦,唔知靚唔靚呢??大約食到9點幾家姐就埋單比錢,Pong知我無錢,所以比左幾百蚊我比家姐夾錢食飯,之後我地就搭車返屋企啦。
多謝Pong Pong
嗯.......你家姐幫襯邊間呀
回覆刪除火火妹..想問..上次你咪買左對膠鞋嘅...想問...你著多左幾次...而家重痛唔痛呀??我想買呀...但我前日去試...好似有d"哇"..想問問你著耐左會唔會舒服d呀?thx
回覆刪除睇來你家姐之後就到你啦~(pong對你咁好,有無諗過幾時呀?)
回覆刪除包, 咩邊間??唔明 柯比布, 我著左一次咋 袓兒豬, 我地無諗過結婚
回覆刪除8個姊妹都ok啦, 我知現在興好多好多呀!.......我個人覺得買金唔好, 一來現在金價高, 唔化算, 二來現在唔興帶金, 得物無所用....所以買其他用得到的物品比較好!
回覆刪除去台灣影婚紗相啦
回覆刪除買金好呀......... 可以賣返出去..........
回覆刪除亞pong真係貼心啦~~
回覆刪除樂樂, 唔買金有咩提議?? 包, 唔知呀,你都想去台灣影呀??得閒幫你問下 QQ, 一時時啦
回覆刪除我影左啦........
回覆刪除係台灣影呀??靚唔靚??用左幾多錢??
回覆刪除