20070628

放工無得準時走，因為我仲未做晒d野，一做就做到7點，之後我即刻趕去旺角搵Pong，點知佢已經做緊gym啦，連7點50分嘅Body combat都玩唔到，唉！我今個禮拜玩左一次咋。

換完衫我就去搵Pong，佢去做機我去跑步，之後佢黎搵我叫我踏極速單車，吓！唔係fa，好辛苦喎，結果我都去左，係50分鐘裡面聽住音樂去踏，又會加重又會起身坐底，係超超超超超超超超辛苦，唔夠半個鐘我已經滴汗啦。

踏完之後行樓梯時都感覺有點腳軟，沖完涼Pong係門口等我一齊交毛巾，之後我話又生暗瘡，所以佢帶我食龜靈膏，食完就返屋企啦。

真係唔知點解我會係月事前就會勁出暗瘡嘅，Pong叫我睇中醫，但我怕飲苦茶，而且塗暗瘡水又無用喎。真係好擔心家姐結婚那日生晒暗瘡呀，唉！

最衰啦上次睇完醫生嘅藥膏塗左3次又唔鬼見左，醫生嘅藥膏真係幾好喎。