20070612

放工時行到半路落大雨，仲有20幾步就到火車站都唔比我行埋佢，我企左一陣都唔見細雨，所以數一二三就匆過搞到D頭髮都滴晒水。去到旺角Pong係香格里拉已經幫我叫定野食，食完就去玩body combat啦，今日玩7點50分。

今日什麼“騎尼”人都係度，即係之前提過嘅，不過仲多左兩個，其實之前已經見過佢地，我幫佢地改左個名叫肥瘦大盜，因為有一個又高又瘦，而另一個又矮不過唔算太肥，Pong話真係想對佢地起飛腳，因為佢地又唔係打喎阿sir話咁佢地又唔係咁，真係見到前面憎佢後面。肥瘦大盜簡直好似前幾日提過那兩個女仔咁，總之就黑Q人憎啦。

7點幾時Pong打左電話返屋企話唔食飯，所以無飯食，搞到我好想食野，點解我會越黎越大食嘅？？

明天終於可以休息啦，不過Pong話帶我返大陸食上海菜，上次佢同同事食過話10分有8分好食喎。