哥哥

在家我排行最細，有一個哥哥一個姐姐，分別大我15同8年，所以佢地都好錫我、好遷就我，姐姐會同我行街買衫，哥哥會買早餐、煮宵夜比我食，以前七個人包括爺爺、麻麻住係一間400尺嘅屋，好開心，不過媽咪同爺爺、麻麻都唔係好岩，可能相見好同住難啦。

到左6年前唔知哥哥在什麼嘅朋友下介紹左個女仔比佢認識之後拍拖，基本上我成家人都好開心，不過慢慢佢就360度咁轉變，直至4年前佢同那個女人搬左出去住之後一直都音訊全無，不過佢改電話的話都會SEND SMS比我，但連媽咪生日、爸爸生日、新年佢都唔會出席，2年前爺爺過身那刻一直都搵唔到佢，差不多搞喪事前先找到佢，仲帶埋那個女人，真係見佢前面憎佢後面。

拜山前一天媽咪又叫我打比佢一齊去拜爺爺，今次我好好彩打得通有人聽，不過佢只係敷衍了事，但我聽到那個女仔係旁邊噪喧巴閉，真係好黑人憎...究竟那個女的比左咩我哥哥食可以令到佢咁？？我又唔覺佢樣靚、又唔覺佢身材好？？真係好唔明

人地話女生外向？？我一D都唔認同，雖然我同家姐都搬走左，但我地每個月都會返屋企一次〈雖然係少左D〉，起碼我地個電話永遠都打得通，會有人聽呀。