20070426

昨晚可能太夜瞓，所以今日遲左少少起身，落到巴士站我係條天橋望住駕80號停站，不過我前面太多人啦，我跑到去佢已經走左啦，搞到我又遲左兩個字先返到公司。

10點幾小姐比左D野我做，超級煩覆，小姐都唔係幾明都走左去問左人幾次，佢教完我之後我都問左佢好幾次先做得完，做完一樣又一樣都未停過。

6點鐘準時放工，好幾日無做Gym啦，所以今日同Pong一齊去啦，去到換完衫已經7點半啦，跑左半個鐘跑見到教練同Pong一齊行過黎，教練叫我地唔好跑咁耐啦，如果唔係無力做器械喎。

之後我地就上左去，隔左一陣又見到佢，佢話我做咁輕，我就同佢講星期六先啦，佢就即刻笑，因為我星期六約左佢囉。我又玩下發下呆咁9點我自己行左去沖涼先，如果Pong同我同一時間的話就有排等我啦，10點搞掂晒D野佢打比我都話差唔多OK，今日無行旺角就直接搭車返屋企啦，10點45分返到屋企食左少少飯啦。