因為Pong嘅爸媽返左大陸起碼一個禮拜先返，所以我地就要食自己，不過無可能成個禮拜都出街食，所以今日就係我下廚啦。
大約8點鐘我開始洗米啦，跟住開始洗菜，首先我係煎左D雞翼先，D雞翼係佢媽媽臨去大陸之前醃定。D油熟左之後我就放雞翼，實在太恐怖啦，一放落D油飛晒上黎，我仲比油彈左幾下添，因為佢個廚房太細我無得走呀..............痛死人啦。
望落好似好黑咁，但其實唔係好焦咋，我好怕整雞翼，因為覺得佢好似好難熟咁，不過我第一次整都叫OK係熟嘅。
我用左蒜頭炒菜心，炒出黎係黃左少少，我唔係好明點解我炒得無咁靚？？究竟有咩秘訣呢 ？？Pong話D菜咸左D，我都覺
尼個係ABC雜菜罐頭湯，係最容易嘅一個，不過唔知係咪落少左水，所以咸左少少，不過可以加返少少水嘅。
今日全部嘅餸都食晒我仲飲左罐Zero添，自己煮梗係要棒場啦.........不過Pong都無話難食，連佢都話OK呀，我會繼續努力嘅，煮左一陣野我已經流晒汗，煮完仲成身油煙味添呀，食完飯坐左一陣就要做洗碗運動啦。
P.S. 希望今晚唔會肚痛啦
初次入廚 , 算唔錯架啦 , 我初初都唔係太識煮 , 而家都係馬馬虎
回覆刪除努力呀火火妹~!!! 支持你呀!!! 咁乖煮飯洗碗...真係要學下你至得呀~
回覆刪除如果炒菜你見佢熟先上碟就已經過熟啦, 八成好上碟啦! 看你碟菜好似得半斤左右, 你用1/4茶匙鹽都可以啦, 不過如果你不怕煩, 可先用熱水卓一卓先炒就容易d...... 罐頭湯一罐罐頭, 下一罐至罐 半水應該是適當了.......如用易潔鑊 煎雞翼, 可不用下油, 慢火煎先, 熟後 如想要焦點先用大火......這樣就不會彈到自己和不用太多油會過肥啦!
回覆刪除依家肯煮飯仔0既girls實在太少太難得啦~ 火火你好乖呀~
回覆刪除樂樂既tips我都好agree, 補多一句啦, 炒菜落完鹽再落少少糖, 會好味d~~加油啊~~
回覆刪除肯踏出第一步已經好好啦!我諗住嫁得出先學架咋!
回覆刪除Re：淡普洱, 點解你成日出街食，唔多D煮嘅？？ Re：VickiE, 我都唔想洗架，佢媽媽又唔係度喎，唔通放晒係廚房等佢返黎先洗咩 Re：樂樂, 我會記住嘅，不過如果唔放油煎咪會癡鑊囉？？ Re：嘉莉仔, THX....等我下次都試下先 Re：袓兒豬, 如果日日出街食會好貴架 Re：Carol, 你煮得好唔好食先
回覆刪除易潔鑊 煎無問題嫁
回覆刪除