新羅寶~超唔抵

今日個咭鐘一響我就即刻走人啦，因為要同佢嘅同事返大陸食韓國燒烤，你地係咪覺得好出奇呢？？香港都有得食唔食要返大陸食，因為佢有同事試過話OK喎，而且間唔中我又鐘意返下大陸食飯，咁咪試下囉。

過左關去深圳嘅搭地鐵去到科學館站落車行左少少路差不多8點，原來佢有個同事已經攞定位等緊我地。坐底梗係第一時間打開個餐牌啦，望落好似好多野食咁，但其實唔係，而且仲好鬼貴，點解咁講，因為一支可以倒到一個杯嘅啤酒竟然賣16蚊人民幣喎，洗唔洗呀。

香港打冷一支大支嘅啤酒都唔洗16蚊啦，仲以為佢支啤酒係用金做添呀。我攞住個餐牌影左佢個名之後比個服務員見到，所以佢收起左，差少少就影到個價錢啦，我仲想影埋個地址架......

等到D野食到啦，係有服務員幫我地整熟D野食嘅，我其實都唔知自己食緊咩，食魚無魚味，有D就鬼咁淡，個服務員又係咁整野食，好似好趕咁，唔洗9點45分已經食完結左帳添啦。

食完野同行4個男人加埋我，那4個男人梗係未飽，所以行左一陣就搭的士去左一條叫向西村西街食砂鍋粥，雖然o係係街邊食，感覺好唔乾淨，但比起頭先那間貴格唔飽嘅野好食好多，砂鍋粥我食過2次，不過係o係章木頭食，Pong話如果煲得好食的話，煲出黎係有少少好似蟹羔咁嘅色.........我係章木頭食2次都有，雖然今次無，但都好好食，我仲食左3碗添。

大約11點就過完關，今日過關又快、又少人，之後搭火車返沙田再轉巴士返屋企，返到屋企沖完涼都成1點啦......寫埋個Blog又要瞓啦。

如果有機會返大陸食飯，認住個名，千其唔好去尼間呀，不過香港都有分店，但唔知係咪一樣品質呢？？