20070405

9點幾比Pong噪醒起身落街食早餐，救命呀！點解我成身都咁痛嘅，真係想死，連行樓梯都發軟。食完早餐就返屋企等我媽媽電話，因為今日要去將軍澳華人永遠墳場拜爺爺，11點幾終於打黎啦，我地就約係地鐵站等，今次爸爸醒用駕手拉車，因為上次得我、媽咪、爸爸同家姐，所以拎到死死下，但今日多左家姐個男朋友同Pong所以我地都唔洗點拎，去到山腳咁鬼多人嘅。

首先我同Pong一支箭咁行上山，佢拉住駕車仔，成鬼日反〈你究竟識唔識架？？〉行下行下都唔見左我屋企人嘅蹤影啦，不過今年好好又無太陽又有一陣陣嘅風，不過唔知點解Pong都會流咁多汗？？終於行到啦，今次比上一次快好多，可能上次一路行一路等媽咪，而今次係上到上面先等佢地。拜完之後我地習慣會係果度食少少野，我就最喜歡用手食雞"比"，好似野人咁，真係好食好多架，雖然係樣衰左D，搞左大約兩個鐘到落山啦，其實落斜仲辛苦過上斜。之後落到觀塘佢地就返屋企，我同Pong去左APM肯德基食野，因為佢頭先無咩點食，食完梗係返屋企沖返個靚涼瞓返個靚覺，之後等食飯啦。8點幾我要起身睇亂世佳人，點解我仲痛過朝早嘅？？食完飯食左兩個西柚，十蚊兩個好鬼貴，不過又真係好味好多喎