20070422

今日11點幾起左身啦，Pong返左工我都唔知，真係好瞓啦，佢弟弟12點幾同佢女朋友出左街，我真係享受放假一個人係屋企，又無人同我爭電腦幾好呀，不過有時都會悶嘅。


1點幾打完比Pong之後我就落左街買瓷飯同豆漿，跟住行去街市買魚仔比兩隻龜龜食，之後去百街買左兩包熱浪同5包辛辣面就返屋企啦。返到屋企第一時間梗係比魚魚龜龜食啦，佢地不知幾咁開心呀，之後就到我食早餐啦，一路食一路睇Hello, 小姐，直到2點幾食第一包薯片，好耐都無食過啦，食完就幫龜龜沖涼，沖完涼又放佢周圍行，我見個天好似黑黑地，所以就去收衫，真係激死我啦，昨日放左條毛巾同D衫一齊洗，結果搞到D黑色衫好多白色毛毛癡住..................點算呀，搞完一輪我又繼續睇我嘅Hello, 小姐之後食埋最後一包薯片啦，我諗要隔好耐先可以再食啦。

4點幾見有D眼瞓就爬左上床一瞓就瞓到6點幾Pong打比我話我知佢返緊黎，隔左一陣我就起身睇埋第10集嘅Hello, 小姐，7點半佢就返到黎啦 。