健身 3

4月9日上第三堂啦，唔知點解每次上堂之前都好鬼緊張架，上堂之前我會用15分鐘係部跑步機度行下路，而且我又剛剛食飽，所以行慢D。

8點啦，死期到啦，我就去搵阿Sir，今次佢教我玩兩部機，第一部有三個玩法，係玩背脊三個部位，初初阿Sir會幫我控制由那裡開始發力之後點做完個動作，再重複做15次，都做得ok，到做第二set佢放手我自己做，有種感覺好似唔係好協調咁，同埋佢叫我用力嘅地方又無用力，無之前做得咁好，到最後一set阿sir都有幫下我都可以ok完成，阿sir話姿態一定要掌握得好好，如果唔係用錯力咁咪做唔到想做嘅果part肌肉，咁就無用喎。

第二部係玩腹部，好似玩sit up咁不過用過腹去卷上去，真係好辛苦，我今次個尼個做到出晒汗，途中佢同事行左過黎同佢講野，所以我瞓左係度等佢，等佢嘅期間有兩個教練走埋黎問我：「你瞓得著未？？」講真真係幾想瞓。

話咁快就1個鐘啦，最後佢又係叫我跑30分鐘燒下卡路里，就係咁又上完一堂啦，今堂都算幾輕鬆。