20070416

今日好犀利7點45分我就起左身，因為我8點10分有一班車，如果趕得切我就唔洗遲到啦，始終都係第一日返Head Office嘛，其實我由知道尼個消息之後我就一直好緊張，因為無咩心理準備同埋怕唔習慣。

8點45分我就到左大圍啦，首先梗係買個腸仔包啦，返到公司都仲未夠鐘，今日真係叻女啦，如果可以維持到就好啦。直到10點幾小姐就開始比野我做，好快就1點啦，食飯啦，我地去左飲茶，因為有人請呀，一路食佢地一路講笑，真係好耐未試過同同事一齊食午飯啦，之後佢地就自我介紹啦，其實我都見過佢地，但唔知叫咩名啫，以後我會好好記住啦。今日雖然係第一日，但我都唔覺得有咩唔習慣，可以的話仲可以帶飯添.........真係可以慳返啦。