健身 2

4月4日上第二堂健身堂，我約左阿Sir八點鐘，不過佢剛剛同個客傾緊野所以遲左少少，我就一路跑一路等佢，大約八點十五分死期到啦 ，首先佢問我上次做完之後有無周身痛，HaHa...我好輕鬆咁答佢無喎，跟住佢就話即係上次未出力啦，咁今次就要加重D啦〈講錯野添〉。

今次玩左三部器械同啞鈴，每部機要做三Set，每Set要做十五下，真係好重，就算我話我舉唔到啦，佢都要我舉多幾下，舉完之後佢就會話咁咪好囉都仲可以舉多三、四下呀，不過我當時真係發軟，最後一部係做腳，心諗：「車！用腳撐好易啫。」點知到我做時好重呀，起身時真係腳仔軟，最後仲要我踏二十分鐘單車呀，因為燃燒下卡路里喎。今堂真係難捱，去更衣室之後要行樓梯，那種感覺真係好辛苦，就連洗頭舉起隻手都好酸軟。

我沖完涼Pong已經搞掂等緊我，佢話我知佢同佢兩個FD去左踏極速單車，聽到個名都覺得恐怖啦，不過佢係一項燒耗最多卡路里架，要踏四十五分鐘，一路聽住唔同節奏黎踏，一時要起身一時又要坐係度，佢有個FD差少少就抽根，不過Miss叫佢放返輕D就好返好多啦，當然我一定唔會陪佢地癲啦，除左尼個運動之外都仲有其他運動都係免費架