20070427

下午同Pong去左沙田市中心食Lunch，諗住食完可以去AIG度買水鞋，點知又多人排隊等位，食意大利粉，都唔錯Pong食一個餐有蒜蓉包一個辣肉腸意粉加一杯野飲，我就食一個磨菇肉醬意粉加一枝西柚汁，加埋全部$81，不過枝西油汁就貴左少少啦，因為7仔賣10蚊那處就賣15蚊呀，有機會下次都可以去食，食完都45分啦，不過我都唔甘心行去睇一睇，嘩！貴左幾十蚊喎，所以我都無買到就搭火車各自返公司啦。

食完飯返到公司小姐請左假，所以我下晝都無咩做，不過手頭上的工作可以捱到6點鐘。6點我打比Pong問佢走得未，佢話最快都要7點，咁我就自己去旺角食野先啦。去到旺角食牛根丸河加紫菜，同我同枱有一個肥佬，佢叫左一碗面加一碟菜，佢碗面連湯一齊飲晒，其實都唔奇，不過最恐怖嘅係佢碟菜食完仲要用舌"奶"乾淨埋，我心諗....如果我食唔晒走左佢會唔會攞埋去食呢？？我都唔理咁多食完即走啦。

7點去到中心跑步見到教練，佢又捉住我講問我要唔要加堂，講左一大輪我都唔知點講，不過真係好貴，所以我都推左話比Pong話事。玩到9點鐘有一堂Bodycombat係唔洗錢嘅可以行去玩，我同Pong同佢個FD都係第一次玩，那裡的冷氣好凍，等上堂時凍到震........一到9點準時上堂，跟住音樂做動作，初初我都跟唔上，不過我無放棄，去到中間出好多汗呀，個人可以熱我連塊面都紅晒，真係勁........不過真係幾好玩，下次我都會再玩。

玩完10點，平時沖涼好少人，不過今日要排隊所以我都無焗啦。搞掂晒我想打比Pong時佢就打黎啦，我去交毛巾時剛剛撞到佢真係好今日唔洗等啦。行左一陣旺角就搭車返屋企，本來諗住唔食飯，點知返到屋企見雞翼咁好食我又忍唔住食左少少飯啦。