健身 7

今日一放工我就即刻走，係火車站等埋Pong一齊去，但去到換埋衫7點10分，今次到我遲左少少，我落到去搵阿Sir佢竟然好舒服咁坐係度傾電話等我。

今日又係重複玩之前嘅器械不過又加重左啦，我唔夠力時我就會用可憐嘅眼光望住阿SIR不過佢都唔會理我，佢仲話我越尼越懶添。今日玩左樣新野，又係用來減ByeBye肉嘅，係我後面又係上次玩到叫晒那兩個男人，係我前面係一個未見過叫到成個女仔嘅男人，當我前面嘅男人叫時我同阿Sir都忍唔住笑。

玩完之後阿Sir又同我度下我個脂肪、肌肉比例，我比未完之前脂肪少左0.5，肌肉多左0.5，不過我都唔係好滿意，玩左咁耐都係少左0.5咋，真係有D唔開心添，我臨走時佢仲話下次再加重，吓！以家已經好重啦仲加.........腳我有時玩40磅，有時玩35磅，之前又話係體重嘅一半，佢都握我嘅，背玩20磅，都覺得好辛苦啦。