聽說你愛我

今日有d唔舒服, 所以無去做運動, 去左apm行下搵野食, 我地兩個人去左飲茶, 我都好耐無飲啦, 兩個人食左8碟野, 真係勁！食飽就行下apm啦, 我覺得佢d佈置好唔靚, 聖誕節竟然用天鵝, 所以都唔影佢啦

之後去左租索女‧喪屍‧機關槍, 返到屋企睇完報紙就睇碟啦, 超噁心, 我睇左大半隻碟之後去左瞓覺, Pong自己一個睇, 6點就換衫坐小巴去油麻地嘅電影中心, 出到去攞完票都未夠7點, 所以Pong帶我去食煲仔飯, 勁多人, 可惜我地趕時間啦, 如果唔係好好慢慢嘆, 因為真係幾好食, 7點半就行返去戲院去埋廁所就入場等, 原來係舊戲院超細, 睇完之後有個屁屁同腰骨有少少痛, 跟住就行落旺角坐車返屋企啦

返到屋企沖埋涼睇星光大道, 睇完都1點半啦, 明天又要返工啦, 好眼瞓呀 

套戲其實一般啦, 不過到最尾都流左滴眼淚囉, 未睇之前都唔知女主角原來係野田妹妹, 我覺得有野田妹妹嘅地方就好睇囉