20071215樟木頭

10點幾就起身, 之後執埋野就出旺角, 約左醫生11點3, 睇完醫生買六合彩食少少野就坐火車去羅湖, 跟住係東門行左一陣, 其實想去書城, 但又唔係好想行個袋好重, 所以搭地鐵返羅湖買火車票去樟木頭, 勁多人排隊, Pong排緊隊嘅時候, 竟然有個阿婆(香港人), 係度係咁同Pong傾計, 已經唔理佢啦, 佢就越講就越攝入條隊度, 結果比佢打左尖係後面, 跟住仲有兩個人就到Pong啦, 又有個大陸女人想打尖喎, 咁我地咪望住佢囉, 咁Pong一手擋住佢唔比行入黎, 買完票之後就夠鐘上車, 太多人啦, 所以我地無位坐, 買左包熱浪同橙汁食, 唔洗半個鐘就到啦



第一時候梗係去超市啦, 買呀買, 買左$17x, 如果唔係我叫停, 我諗Pong仲繼續執薯片

之後就坐東莞的士, 以前係坐村巴架, 有住客證唔洗錢, 我尼d無住客證嘅人就要買票$2, 有左東莞的之後就唔比有村巴啦, 好彩起錶都係$6, 返到去$17都幾抵呀, 返到去開晒d窗執好d零食, 沖返個涼, 因為實在太熱啦

天台望落去架, 個泳池都無水嘅, 樓下種左好多桂花, 好香架

7點幾世伯&伯母返到尼, 等埋世伯沖完涼就去食野啦, 去我最鐘意食嘅沙窩粥, 雖然個度嘅環境唔係咁好, 但真係幾好食, 又平喎, 一窩蝦蟹粥, 一碟菜(都幾甜), 一碟炸魚(咸左少少), 一喋炒麵(淡左少少), 兩支啤酒, 埋單都係$8x, 食飽飽梗係慢慢行返去啦, 返到屋企, 伯母沖完涼就睇兄弟, 一路食零食一路睇真係開心, 不過套戲就麻麻地啫, 黃日華個做型好唔掂呀

太約12點幾就瞓覺啦, 我瞓得唔係咁好, 瞓下醒下啦, 真係第一次咋