20071207

今日返到公司都係9點, 同事又出晒去開會得返幾丁友, 所以特別寧靜&舒服

下晝Pong突然叫我去訂聽說你愛我嘅票, 我覺得好出奇, 因為佢通常都唔鐘意睇尼類型嘅戲, 3點幾d同事都返黎啦, 個個都係咁講電話真係好鬼噪, 好似街市咁, GM 5點幾就已經走左, 我6點就即閃, 出到旺角食左串辣魚蛋就去搵Pong, 做運動之前去買六合彩, 買完之後Pong話好攰唔想做, 所以我地張d衫放係佢公司就走左啦, 我地又去左尖沙咀, 去左take 5度做會員咭, 跟住就去paper tee度買左件tee, 佢d tee真係幾舒服架

之後就去左海港嘅i.t.度睇衫Pong送左件外套比我, 每次行親i.t我都會望佢一次, 因為我鐘意佢帽上面d彩點呀, 不過自己又唔捨得買, Pong話當聖誕禮物喎, 照刹, 買完野都9點幾啦, 就坐車返屋企, 返到屋企食完飯, 極速洗完碗, 就去沖涼, 明天又要返工啦