今朝10點半我就起身啦, 因為要去做運動囉, 係旺角食完早餐11點9就行去換衫啦, 玩12點2嘅bodycombat, 真係好耐無黎啦, 雖然好耐無做, 但體力還可以支持到
1點2玩完就去沖涼, 係旺角行左一陣, 行經CD鋪佢播緊蔡琴嘅一隻碟, 唱功真係勁, 真係好好聽, 企係度睇左一陣就搭地鐵去中環啦, 又係去左猿人頭睇外套, 上個禮拜睇個件外套今日再去睇已經無左細碼啦, 睇左一陣就去左馬會買六合彩, 之後去左專貴視力Pong要配眼鏡, 配完眼鏡就搭地鐵去銅鑼灣行街
首先去左峰壽司度食野, 食飽飽去左時代, 我睇中左件褸, 件褸我已經睇左好幾次啦, 今日試上身, 不過$14xx好貴呀所以都唔係買啦, 行左去利舞臺嘅uniqlo行下, 之後又去sogo又周圍行, 我地上左d樓上鋪睇衫, 見到衛蘭同衛詩, 佢地一入去就同職員say hi, 佢地兩個戴住勁大勁黑嘅太陽眼鏡, 當時個天都開始黑啦, 睇完6點幾就坐小巴返屋企啦, 返到觀塘去左百佳入貨, 雖然今日做完運動再去行街, 但我覺得唔係好攰, 今日我嘅收獲係一件長袖tee一件短袖tee
我覺得黑色個件又靚又特別呀!果然有眼光呢!
回覆刪除[版主回覆11/12/2007 12:03:00]謝謝
2 件衫既圖案都好靚 , 不過 V-NECK 比較蝦人著
回覆刪除[版主回覆11/12/2007 12:03:00]點解嘅??
幾特別喎.........
回覆刪除[版主回覆11/12/2007 12:04:00]梗係啦
2 件都唔錯, 但我鐘意貓貓個件多 D
回覆刪除[版主回覆11/12/2007 12:04:00]我都係, 我見到貓貓個件先入去間鋪到睇咋