大收穫的星期日

昨晚諗住今日一早起身去大嶼山郊遊, 點知一瞓就瞓到12點幾先起身, 跟住就換衫出街, 出街之前同Pong玩左鋪Boxing先出門口, 玩到出晒汗


我地去左AMP嘅吉野家食野, 之後就搭地鐵去中環猿人頭睇野, 睇完就去左H&M睇衫, 勁多人, 我買左幾對襪之後就走啦, 我地好似中環一日遊咁連香港公園都比我地行埋, 之後我地就坐叮叮去銅鑼灣, 去到已經4點幾, 第一時間梗係去食TEA啦, 咁就去左UCC, 之後就行時代廣場上面嘅patagonia度睇衫, Pong唔知點解咁鐘意尼個牌子, 所以一去到就係咁試, 結果比佢買左一件褸同一件衛衣, 咁佢就買左衫背心褸比我

離開左時代之後我地又周圍行周圍睇野, 唔知點解今日特別開心, 行到8點幾就坐車返觀塘啦, 返到觀塘去左APM嘅Starbucks度買咖啡豆

返到屋企食完飯, 我唔知痴左邊條根, 竟然走左去執房喎, 我掉左一大堆野, 仲抹埋塵, 都唔知點解會咁多塵, 唔知有無辦法可以少D塵呢?????

以家我就要去沖涼啦, 明天又要返工啦............