沒有約會的星期五

搽左兩日藥膏我額頭上的暗瘡已經無左啦, 不過有一樣野我要講明先, 就係Pong話我知尼隻藥膏其實係用黎搽濕疹同汗癬架, 唔係真正的暗瘡膏

昨晚放工出左旺角搵Pong, 佢睇住玩具等我, 去到佢指住四葉妹妹個公仔, 之後我地就去問下仲有無貨, 個哥哥仔話有, 咁我就攞起黎睇, Pong就走去比錢$108, 都唔算好貴啫

佢有兩個頭可以換架, 仲有一支雪條同一支槍

我覺得佢嬲個樣好搞笑呀

咁跟住我地去買章魚小丸子同$10四包撈撈撈食啦, 可能我病啦, 所以食咩都無味道

去左潮流特區我見到對波鞋, 尼隻款我搵左好耐, 入去試左一次, 試完出去左行兩個圈, 最後都決定走返入去買

買完鞋仔諗住返屋企, 經過豐澤入去看看, 結果比Pong買左個咖啡機$9xx, 佢話買咖啡機已經講左好耐啦, 因為以前個個爛左, 而且佢又鐘意朝早起身飲齋啡, 所以就買左囉, 咁我地兩個拎住好多野咁上左小巴

返到屋企奸人堅剛好做, 我地就一路睇一路食飯, 食完飯佢就開始玩佢嘅咖啡機啦, 仲沖左一杯黎飲添, 睇完奸人堅我就沖涼, 沖完涼食埋藥就瞓覺啦