燒烤

昨日係短週所以唔洗返工, 11點幾出旺角搵Pong食Lunch, 食完我就去左銅鑼灣一個人行街, 唔知咩事勁多人, 行到4點鐘就坐車返屋企啦, 返到屋企一陣Pong打比我叫我落樓啦, 因為佢楂公司車黎車我, 之後再接佢其中兩個同事去燒野食

我地嘅目地係大尾篤勁入嘅位置, 楂車好似要10分鐘喎, 係自己霸爐燒嘅, 不過無咩人, 好黑, 得D路燈, 連燒雞翼都唔知熟未

我地坐車時已經見到隻牛係旁邊行緊, 到燒到一半途中, 隻牛終於行到上黎, 唔知佢有無人養呢

燒到太約11點幾就開始收拾啦, 跟住有6個人就去左一個朋友仔屋企玩啦, 個朋友仔係男仔一個人住, 有兩間房, 一個間係佢瞓嘅, 以另一間係用黎擺衫架, 我都好想有間屋企咁呀, 男仔黎講佢都好整齊架, 玩到3點幾就坐車返屋企啦, 返到屋企沖埋涼都4點幾啦

兩張相都係用新相機影架, 影功係差左D, 我以家仲努力摸索緊呀