不經不覺爺爺已經離開我10幾年啦,
佢走的那天是媽媽的農曆生日,
已經記不起是那一年啦,
那天早上10點接到姐姐的電話,
話爺爺差不多了,
我就由屯門坐的士到廣華醫院,
可惜去到他已經走了,
佢有3個孫,
哥,姐,我,
佢最錫係我,
因為媽媽,爸爸同嬤嬤都要搵食,
所以由出世到小學五年班都是他帶大的,
記得有一天我跟他瞓到半夜我跌落床,
但我只識坐在地下,
他突然醒了我才繼續瞓,
有一天早上瞓醒喊得利害,
佢即刻走去廚房沖左支奶比我飲,
小學由小一到小五都係爺爺送我返學,
接我放學的,
我返下午班的,
每天都會一起食中午飯,
中午飯的餸菜都是蝦乾和一碟菜,
或者咸魚,雖然簡單,
但現在已經沒有這種味道,
跟他一起食中午飯,
都會一邊食一邊睇粵語長片,
其實我都幾鐘意睇架,
到放學他有買一個麵包給我,
每次都係一邊行一邊食,
校長好鐘意企係角落頭位望住我地,
每次校長都會同我講又有麵包食啦,
直到小六,
爺爺腳眼開始損,
雖然有睇醫生,
但佢用古時的方法,
用把刀浸水,
用銹水浸腳,
搞到越黎越嚴重有食肉菌,
到最後要切腳,
由小六開始姑姐接我放學,
等到媽媽放工,
才接我返屋企,
無幾耐食肉菌到第二隻腳,
而且又中風,
無左兩隻腳,
所以到最後係老人院住,
每次爺爺見到我都會喊,
我又會跟住喊,
之後我都少去探佢,
到以家我真係有D後悔,
雖然佢比我的記憶只有少量,
但我成日都會記掛住佢,
如果我當時常常去探佢,陪佢就好啦
這個世界上真的沒有如果,
想起"如果"已經太遲啦
人生真係有好多遺憾,我父母過身,我都唔能夠返去見最後一面,真係失去至會想去珍惜
回覆刪除係呀, 好多時都話要珍惜眼前人, 但都係做唔到嘅
刪除