前排牙肉開始痛同埋有濃, 不過我都無理佢,
自己整左D濃飲左幾啖鹽水就算,
昨日下晝4點幾又痛過又腫左出黎,
Pong就叫佢媽媽幫我約牙醫,
我係好唔想去睇, 因為由細到大連牙科保健都無參加過嘅
今日11點幾同Pong成家係麗港城飲茶,
因為就我睇牙, 12點半就落下面睇啦,
醫生幫我照X光話我生左隻智慧牙,
所以藏左好多污糟野係裡面搞到含濃,
咁佢就幫我打左麻醉藥放濃同埋洗乾淨,
佢仲話要開刀拔佢出黎會好D囉,
佢攞支麻醉藥槍我係咁望住佢,
醫生話驚你就唔好望啦
搞掂晒之後出去等攞藥,
Pong又係咁問長問短,
又話點解唔一次過拔左佢,
又話咩咩咩呀, 跟住我就喊左出黎啦
攞完藥之後返左酒樓食左D藥坐一陣就返左屋企,
左邊咀好似無晒感覺咁
之前仲成日問Pong點解我仲未出智慧牙,
以家真係唔想佢出呀
整牙係痛咖我諗,我都未整過.你而家有智慧牙咪開始好有智慧好多 .
回覆刪除[版主回覆03/09/2009 09:17:00]我唔敢想像
咁你有無呀???
整牙怕怕！
回覆刪除[版主回覆03/09/2009 09:17:00]係呀
我都唔知自己出咗 智慧牙咩
回覆刪除[版主回覆03/09/2009 09:18:00]下...咁好
如果我好似你咁就好啦
oh........
回覆刪除大多數人出智慧牙都會好痛
我都好怕, 希望呢世都唔會出!!!!!
[版主回覆03/09/2009 13:09:00]可能你都出左,
但係唔知啫
出咗啦,舊時好似女人月事咁,一個月就會痛幾日,一兩年後就冇痛,可能出完.
回覆刪除[版主回覆03/09/2009 13:10:00]但係唔洗拔架???
我4隻都拔走了..好好多0架
回覆刪除[版主回覆03/09/2009 13:10:00]好驚呀
真係喊左出黎呀.............
回覆刪除[版主回覆03/09/2009 13:10:00]見完醫生先喊
牙痛真係慘過大病 , 阿 pong 係咁追問又唔關心 , 唔怪得妳會喊囉 , 記得我脫第 1 隻智慧牙前 , 我都係有發炎 , 我都有問醫生點解唔 1 次脫埋去 , 醫生話因為發炎 , 要消晒炎後好番先可以脫 佢仲講笑話如果妳比人打左 1 鎚 , 再係同 1 地方再比人打多鎚 , 我諗痛鬼死左妳 lu , 我已經出晒 4 隻智慧牙 lu * 不過脫左 2 隻 * ( 但我出果陣真係一 d 都唔痛 , 因為牙醫話我出完晒後仲有大把位淨 <- 即係話我口大 ) 第 1 隻因為牙肉埋得唔好 , 漏左條 " 啦 " 搞到 d 食物跌入去就容易發炎 , 聽醫生 up 脫左諗住一勞永日 , 點知脫完後上面果隻太長 , 成日咬到下面 , 又要脫埋上面果隻 但我好好彩 , 唔駛開刀 , 只係就咁就拔到 , 2 隻脫左我千 4 蚊 , 如果開刀 1 隻都要千幾 - 2 千
回覆刪除[版主回覆03/09/2009 13:16:00]咁你都好呀唔洗開刀,
我生左係牙肉裡面,
所以要開刀先可以拔
真係好驚呀
做咩會喊呢?好痛or好驚?
回覆刪除[版主回覆03/09/2009 15:37:00]整完出黎講比Pong聽話我咩事之後, 佢係咁問尼問路, 又話做咩唔開刀拔埋佢, 一次過嘛, 果時我都仲未未驚完
痛就其實唔係好痛有麻醉藥
你男朋友都係太過緊張你先至問長問短, 如果唔關心你就唔陪你去啦......只可能佢表達關心嘅時間唔係好適合姐.....唔好唔開心, 保重身體, 注意飲食啦~~~~~
回覆刪除[版主回覆03/09/2009 17:31:00]可能係啦...真係怕怕呀
你有無事喇~
回覆刪除唔怪得星期六見你你都好似唔多開心喇...
我果時COOL牙分4次, 2星期脫2隻牙, 一共8隻(4 隻係未出既智慧齒...)...所以我真係好明白你!!
希望你可以快D好返喇!!
[版主回覆03/10/2009 12:30:00]cool牙其實係咪好辛苦架???
你驚唔驚呀
一出就係咁架啦，好快冇事...
回覆刪除[版主回覆03/11/2009 10:04:00]咁又係始終都要出
有空逛下<恩蒨雜貨> http://hk.myblog.yahoo.com/car168car168
回覆刪除$300以上九折(特價品除外)thx !
^0^清貨大減價^0^
季尾清貨,快D去<清貨特價區>啦!
真係好抵嫁,啱就快手喇,多多支持!
*如未有心水貨品就記得訂閱此BLOG,一有新貨你就知啦!*
如果打橫生定要開刀拔, 唔拔仲痛, 會整到隔離D牙发炎仲慘, 又要等消左炎先開得刀, 到時唔痛你又唔去, 真係有排煩, 唔駛驚長痛不如短痛, good luck ar~~
回覆刪除[版主回覆03/11/2009 13:21:00]我一坐係整牙個張椅度就驚啦
牙痛慘過大病啊！病向淺終醫
回覆刪除我一訓上張牙醫床上面我就驚架喇, 唔知點解最怕睇牙醫, 我都有智慧齒, 不過仲未拔呀! 你拔完就可以輕鬆晒..
回覆刪除[版主回覆03/19/2009 10:04:00]我都未拔呀,
我諗住再痛先去拔,
好驚架