3月啦

話咁快就3月啦, 距離我地搬屋嘅日子仲有一個半月咋, 其實我都唔係好捨得觀塘, 去邊都好方便, 星期五, 六晚睇完午夜場又可以行返屋企, 樓下又多野食

昨日星期日2點幾同Pong攞眼鏡, 之後約左佢爸媽係砵蘭街個邊度睇地板, 佢地諗住比Pong揀完色, 之後可能返大陸買, 不過如果價錢唔差得多就會係返香港買囉, 可能睇得太多間啦, 而且我覺得間間都差唔多, 睇到我都有d眼瞓

睇左大約一個鐘到佢爸媽返屋企, 我地去尖沙咀繼續行街, 去左住好d度睇家居, 真係好靚, 不過都幾貴, 睇完家居周圍去睇高跟鞋, 因為14號要去飲又唔想著boots, 所以要買鞋啦, 行到6點幾都買唔到呀, 下次都係自己去行好d啦