慘過返工

星期日10點幾起身同世伯伯母四個人出旺角食早餐,之後行砵蘭街個邊d鋪頭,我地買左潔具,瓦仔,再行左好多間燈飾,都已經1點幾啦,去左小肥羊下午茶,食飽去左睇佢爸媽好鐘意嘅酸之木電視櫃,原來佢地係早幾日已經睇過啦,不過要Pong睇下先買喎,連都老闆都認得佢地,講左一大輪最終都係買左,我就睇中個手飾盒,不過我無買呀,諗住搬左之後我都仲鐘意的話就會返去買囉

買完去百老匯,豐澤睇電視機,再去返燈飾鋪度買左廳燈同Pong房嘅燈(我揀)好靚架,之後坐地鐵返觀塘啦,係地鐵站度有間富士皇賣抽油煙機,最普通嘅都要$3xxx,但佢地睇中$7xxx個部,真係嘩嘩聲,因為新屋係開放式廚房,不過要度下尺先,之後再行去sofamark度睇,睇左差唔多一粒鐘,買左一張三座位電動可以瞓係度個隻嘅sofa,佢阿媽鐘意話睇落大方d喎,買完已經7點幾啦,又要行返去amp食吉野家,食完去左百老匯買左sony40吋內置個舊唔知咩,終於可以返屋企啦

下個禮拜又要去睇啦,仲有神枱,床,床褥,冷氣機,抽油煙機多到我都唔記得啦

不過最好笑係佢細佬,新屋得兩間房,初初個時佢爸媽話整到三間房,咁佢細佬話唔洗要瞓廳,可以慳返d錢,仲話自己會買返一間附近嘅屋同佢女朋友住,咁揀sofa個d咪唔諗佢囉,我地買完野返到屋企佢問佢阿媽,張sofa瞓唔瞓得,咁佢瞓邊呀,佢阿媽諗住係佢間房放埋佢以家瞓緊個張sofa床入去,中間整塊布咁,佢唔鐘意,又係度發脾四咁,連今朝伯母問佢返唔返屋企食飯都唔係好睬佢咁囉,又係佢自己叫人唔洗理佢嘅

裝修好之後影返幾張相post出黎啦...