拜山
昨日星期日早10點半去將軍澳華人永遠墳場拜阿爺, 今年遲左去搞到要等好耐先上到巴士, 上到去買埋汽水就去阿爺度, 搞左一陣拜完晒之後就食雞, 用隻手拎住隻雞比食, 我覺得咁樣係最最最好味架, 食食下野見到有條好似蛇嘅物體, 望左佢好耐都唔郁喎, 我就以為死鬼左啦, 轉個頭佢行啦, 原來係有四隻腳同尖尾嘅大蜥蝪黎架
食完野去埋廁所就坐車返落去, 我就陪爸媽坐車去觀塘, 爸媽再轉車返青衣, 我就返屋企打機啦
新屋果度已經攞左鎖匙啦, 佢爸爸尼排都可能會去執下間屋, 一個月到就要搬啦, 不過我地仲未開始執野囉, 同一座大廈嘅人有D已經搬走左啦, 第時觀塘就係高上住宅啦
咁你儲定錢等佢起好啦............
回覆刪除[版主回覆03/16/2009 16:27:00]4年得唔得呢???
搬屋執嘢好快唧,咁快執咗d嘢咪用唔到囉,搬前兩三日先執都未遲啦.
回覆刪除[版主回覆03/17/2009 09:16:00]咁都應該要執下d垃圾架嘛
4年我驚佢未起好喎, 最快都十年八年啦............
回覆刪除[版主回覆03/17/2009 09:17:00]咁耐....
隻野...好似好大隻...小心D好...
回覆刪除雞比真係用手食係最正!!
[版主回覆03/17/2009 09:17:00]咁我地又距離得好遠嘅
你都會咁食架??
就快有新屋呢！
回覆刪除[版主回覆03/17/2009 09:17:00]係呀, 其實都有少少開心嘅
睇唔到有腳呢...
回覆刪除[版主回覆03/17/2009 13:15:00]因為收埋左囉
咁你地快d執野啦....我都好怕搬屋...我好怕執野
回覆刪除[版主回覆03/17/2009 14:09:00]都唔知幾時先執
完全唔想搬喎你!
回覆刪除[版主回覆03/18/2009 11:45:00]一半一半啦,
想搬嘅原因係新屋大好多囉
唔想嘅係交通超級唔方便
一提起搬屋就驚
回覆刪除[版主回覆03/18/2009 11:46:00]係呀, 有排執呀
搬屋辛苦, 不過搬完屋有新屋住, 正呀!!
回覆刪除[版主回覆03/19/2009 10:05:00]係啦, 都唔知要執幾耐啦