姐姐的禮物

今日係長週所以要返工, 超凍所以唔係好想起身, 拖到8點3坐地鐵轉火車, 尼幾日就算公司個冷氣開到好細到好啦, 我隻手都好冰咁, 熄左佢又焗喎
1點鐘準時走, 係大圍食左少少野就坐火車出旺角, 去左世紀嘅mothercare買肚紋膏, 原來廿幾蚊支, 所以買左兩支

之後覺得如果淨係買兩支野比姐姐好似怪左d, 我記得始創個邊有間買面包超人嘅bb野, 因為我姐姐鐘意面包超人, 咁我就去睇下啦, 本來話唔買bb野嘅我, 結果買下買下買左好多樣, 因為實在太得意啦, 不過好彩全部都係初生bb岩用嘅, 我諗姐姐嘅預產期係夏天, 所以買左夏天嘅野, 嘻嘻, 有一對bb襪, 紗巾個姐姐話bb係唔用毛巾, 怕會有細菌喎,  口水堅,  同埋一套衫仔

尼套野好得意架, 我最喜歡個件衫仔, 因為係側邊綁繩

一陣返到屋企攞比姐姐, 唔知佢會有咩反應呢????