小學同學仔

4月26號個日係我小學同學嘅聚會, 分開左咁多年都可以約返出黎真係好開心, 點解今次會有尼個聚會, 其實係有三個同學仔分別係4月30, 5月1同5月2號生日, 咁5月1號生日嘅同學仔咪搞左今次嘅聚會囉, 真係真係真係多謝佢, 令到我地可以再坐埋一齊

雖然分開左咁多年, 但大家嘅樣貌都無咩改變, 只不過係成熟左, 我依然記得佢地d名, 係十幾個同學仔之中, 有兩個已經結左婚, 仲結左3, 4年添, 真係犀利, 當日7點半我地約左係荃灣某間酒樓開左一圍枱, 未去到之前我心情係好興奮, 因為實在太耐無見, 同埋怕會無野講, 到8點幾人齊啦, 未有野食時大家一齊吹水, 整間酒樓最噪就係我地個枱, 多數傾以家做緊咩, 同埋講下以前嘅低b野, 好開心, 9點幾差唔多食飽就攞個蛋糕出黎切, 埋完單去左酒吧繼續玩, 但其中一位同學仔約左人, 所以要走先

去到酒吧又係吹下水, 玩下可以一齊玩嘅野, 12點幾先後有3個同學仔走啦, 而我玩到1點幾都走啦

今日諗返起幾日前都仲覺得好開心, 覺得自己好似返左去小學咁, 不過唔知幾時會再有d咁嘅機會呢????希望係街度可以撞返以前嘅同學啦

其中一個仲係我幼稚園同學添呀

真係最開心的一天