兩日事項

4月30號星期日係我後面嘅同事last day, 雖然我成日都覺得佢好煩同埋有時真係好唔鐘意佢, 不過佢都教識左我做好多野, 佢亦都係眾人嘅師兄, 因為佢係尼度都做左10幾年啦

夜晚我地一班同事去左尖東食晚飯同佢farewell, 食到10點幾我就要走先, 因為佢地仲有下場唱k, 返到屋企沖完涼, 12點行去apm睇戲, 就係iron man啦, 我覺得ok好睇啦, 做到好型, 不過個故事就麻麻地囉, 最尾打得唔夠激

5月1號世伯11點幾就噪醒我地, 佢買左kfc早餐比我地食, 食飽又走上床再瞓, 瞓到2點幾, 3點幾換衫出街坐地鐵去葵芳, 之後買野探爸爸, 我同Pong7點鐘走, 坐車去尖沙咀行街, 佢係patagonia度買衫, 我就係facesss度買左支香水

 

行完去左鼎泰豐攞飛排隊食飯, 當時叫到106, 我係158, 咁我地周圍行大約等左個半鐘就到我地啦, 其實有好多人攞完飛又走鬼左, 中間都跳左好多no., 係等位嘅時間我地已經攞左張紙黎點野食啦, 所以d食物好快就到, 一個鐘就唔洗就食完啦, 之後就坐車返屋企啦, 返到屋企執好野就沖涼, 打左一陣機12點幾瞓覺啦