本來打算10點鐘起身, 之後執埋野就出去飲茶跟住走, 點知我同Pong兩個瞓到11點幾先起身, 12點幾坐車係樟木頭市飲茶, 5個人食左2百幾蚊野
跟住我地坐火車返深圳, 勁多人, 好彩我地買一等票有得坐啫
之後我地去左東門買碟, 買完碟都3點幾啦, 本來諗住massage, 佢地怕按完食埋野返到HK會好夜, 第二日又要返工喎, 但我同Pong就無所謂, 所以就無去到啦, 我地坐火車再轉車去左福民站嘅大漁鐵板燒, 之後就去訂位, 因為有個FD同佢D同事成日黎食知道佢地好多人同埋分時段食, 好似任食三個鐘
尼間真係直得一試啦, 一百五十蚊一位任飲任食, 超級好食, 超級飽, HK一定食唔到, 樣樣都咁好食, 不過整得比較慢, 因為我地唔係坐鐵板燒嘅枱, 所以佢地要做左比係個度坐D客先, 所以一次過叫多D會好D, 而且D果汁都好好飲, 有個FD飲蘋果汁, 佢話超正喎, 我一定會再去食架
我地真係食足三個鐘, 之後坐返火車去落馬洲過關, 真係比羅湖同皇崗少人, 坐車去到沙田轉巴士返觀塘, 10點就返到屋企啦, hea到11點幾12點就瞓覺啦
咁就放完三日假啦, 真係開心嘅時光過得特別快嘅
我對食比較有興趣.....$150 就有咁多咁正既野食.....超級吸引~
回覆刪除[版主回覆04/10/2008 09:12:00]如果返大陸食飯的話都去試下啦
佢個水蛋連蛋殼黎蒸夠晒特別呀....
回覆刪除[版主回覆04/10/2008 09:13:00]係呀, 之後落order時都唔知架, 佢蛋都好好食架, 唔知佢點整嘅
呢間野好多blog 友都介紹過, 好似好多人去.............
回覆刪除[版主回覆04/10/2008 12:00:00]係咩, 我又無留意, 不過個人都幾多hk人喎
我想問 第3張 係咪鳯腳嚟架 咦∼∼∼...
回覆刪除[版主回覆04/10/2008 12:02:00]係呀, 我食架, 係咪食得好乾淨呢!!!!嘻嘻
回覆刪除洗手用架 ？
[版主回覆04/10/2008 14:19:00]唔係呀, 係花茶, 不過幾好飲架
好開心喎！去渡假，果間屋係咪就係你男友屋企架？唔係成日返去架？
回覆刪除[版主回覆04/12/2008 09:24:00]佢屋企我無影到, 不過差唔多款囉, 我諗三四個月返一次到啦
大漁..我都食左兩次啦...真係好正...我第一次去..由5點半食到10點半呀.....我都想食多次呀...
回覆刪除[版主回覆04/16/2008 09:32:00]我第一次8點半已經係last order啦