20070505

今日我唔洗返工，11點幾就起左身，之後開電腦上網，隔左一陣就睇白色巨塔，到12點半就煮左個快熟通心粉，因為我落少左水所以好鬼咸，為有飲多幾啖水，1點幾佢弟弟同佢女朋友出左街，佢弟弟臨出街之前叫我幫佢換龍貓，好快手咁就換好因為堂時佢地都瞓緊覺，所以佢地好合作無跳出黎。

換完又繼續睇我嘅戲，睇到4點就瞓個晏覺，攪鬧鐘6點起身換衫去青衣城同家人食飯，家姐預先Book左8點，但都要等到8點半先有位，8點15分Pong打比我搭緊地鐵過黎，家姐叫左個套餐之後加多兩樣餸，套餐裡嘅餸好鬼細碟，不過又幾好食，我地仲叫左條魚，條魚整得好好食，仲好大條添好似去飲o個D咁，不過都比我地食晒用來送飯最好。

10點幾埋單走人，我同Pong就搭車返觀塘，去左APM嘅百老匯，前面有兩個男人都係一支公黎睇午夜場，咁夜都仲有咁多人排隊，真係犀利，而我就去買蜘蛛俠明日嘅零晨12點幾戲票，Pong話要睇大院喎，睇完返到屋企我諗都兩點幾，第日仲要返工添，真係想死。

12點啦返屋企嘅途中見到好多睇個樣都知未成年嘅少男少女，正所謂毛都未出齊（Pong講嘅）就食煙又周街大叫，真係成何睇統，比我如果有機會結婚我寧願養狗都唔生呀。